O Concello de Frades reinicia os servizos de podoloxía e fisioterapia a domicilio

O Concello de Frades reiniciará o vindeiro luns 18 de maio os servizos de podoloxía e fisioterapia a domicilio que viña prestando antes da corentena. Iso si, haberá que manter todas as medidas de seguridade polo que será obrigatorio usar equipos de protección, tanto por parte das persoas usuarias como por parte do/a profesional que preste o servizo.

Podoloxía e fisioterapia únense así ao reinicio do servizo de perruquería a domicilio, que se vén prestando novamente de forma gratuíta a persoas dependentes dende o pasado luns 11 de maio. Tanto a persoa dependente como a profesional que se encarga de prestar o servizo empregan os equipos de protección precisos e cumpren coas indicacións de seguridade,