O Concello de Frades publica as bases reguladoras do procedemento de selección do obradoiro de emprego "Brañas do Illó-Río Samo IV"

O Concello de Frades publica as bases reguladoras do procedemento de selección do obradoiro de emprego "Brañas do Illó-Río Samo IV", que conta cunha achega de 346.946 euros por parte da Consellería de Emprego e Igualdade e que será promovido polo Concello de Ordes, xunto cos concellos de Frades e de Mesía. Este obradoiro dual de emprego formará a 20 persoas desempregadas en actividades auxiliares e conservación de montes, así como en repoboación forestais e tratamentos silvícolas durante 9 meses. Podes descargalas premendo aquí.

A través deste obradoiro acometeranse melloras nas prazas públicas de Ponte Carreira e Papucín; nas áreas recreativas da Ponte Carballa, A Presa, o Muíño de Céltigos e Os Pasos de Aiazo, así como na carballeira de San Nicolau, na piscina municipal de Papucín e na finca da Gasalla.