Covid-19: confirmado o primeiro positivo en Frades tras o confinamento
O Concello de Frades lamenta informar do primeiro positivo por coronavirus no municipio despois do confinamento. Esta persoa está en situación de illamento domiciliario e todas as persoas que estiveron en contacto con ela xa foron informadas. Dende o Concello de Frades desexámoslle unha pronta recuperación e mandámoslle tamén o noso apoio á súa familia.
Así mesmo, lembramos a necesidade de seguir as indicacións das autoridades sanitarias e levar máscara, lavar e desinfectar as mans de xeito periódico e manter a distancia social de seguridade.