Convocados os cursos de salvamento e socorrismo acuático 2021

O Concello de Frades informa de que no marco do Plan de Emprego Local da Deputación Provincial da Coruña está prevista a impartición dos seguintes certificados de profesionalidade no Programa de Salvamento e Socorrismo Acuático 2021:

•  AFDP0209 SOCORRISMO EN ESPAZOS ACUÁTICOS NATURAIS. 420 horas (340 formación teórica e 80 formación práctica).
•  AFDP0109 SOCORRISMO EN INSTALACIÓNS ACUÁTICAS. 210 horas (130 formación teórica e 80 formación práctica).

A formación teórico- práctica realizarase no Centro de Formación de Cruz Vermella na cidade da Coruña e as prácticas profesionais non laborais, en praias de concellos da provincia. Primeiro desenvolverase a formación en espazos naturais con data de inicio prevista para mediados de febreiro e logo da tempada de praias, previsiblemente a finais de setembro, desenvolverase a formación en instalacións acuáticas. 

Debido ás especiais características do curso e á necesidade de realizar probas físicas no caso de un número elevado de inscricións, só se admitirá un máximo de 6 inscricións por concello. Os cursos están dirixidos a mozos e mozas desempregados con 18 anos cumpridos. O prazo de inscrición estará aberto ata o será ata o mércores 3 de febreiro. Só se admitirán as 6 inscricións por cada concello que conten coa documentación imprescindible (formulario de inscrición e informe médico).

Máis información nos arquivos adxuntos: