O Concello de Frades homenaxea a María Elena Casas Mirás, que se xubila despois de 39 anos como practicante no municipio

O alcalde e o equipo de Goberno do Concello de Frades queren agradecer a María Elena Casas Mirás o seu traballo como practicante no municipio durante os últimos 39 anos. O concelleiro de Sanidade, Manuel Ferreiro Marzoa, desprazouse ata o centro de saúde de Ponte Carreira para facerlle entrega dun ramo de flores e dun agasallo en nome do Concello a Elena Casas, de quen dixo que “é un exemplo de profesionalidade, traballo e constancia. Grazas por todos estes anos de dedicación e feliz xubilación”.