spacer
Os Concellos de Frades, Ordes e Mesía poñen en marcha o obradoiro dual de emprego "Brañas do Illó-Río Samo VI"

Os Concellos de Frades, Ordes e Mesía poñen en marcha o obradoiro dual de emprego "Brañas do Illó-Río Samo VI"

O Concello de Frades informa de que a Consellería de Promoción do Emprego e Igualdade da Xunta de Galicia acaba de concederlles aos concellos de Ordes, Frades e Mesía un novo obradoiro dual de emprego denominado "Brañas do Illó-Río Samo VI". Será un obradoiro dual, cun contrato de formación e aprendizaxe durante 12 meses e no que se poderá optar a un contrato ao final do obradoiro nunha empresa do sector forestal ou de xardinería, de 3 meses máis.

As especialidades que se impartirán son:

  • Actividades auxiliares en conservación e mellora de montes. Nivel 1.
  • Actividades auxiliares en viveiros, xardíns e centro de xardinaría. Nivel 1.

Todas aquelas persoas interesadas en participar na selección de persoal directivo, docente e de apoio deberán estar inscritos no Servizo Público de Emprego de Galicia para ditas ofertas ou vincularse a dita oferta a través do portal de emprego da Xunta de Galicia (https://emprego.xunta.gal/portal/gl/). 

Todas aquelas persoas interesadas en participar como alumnado-traballador deberán estar inscritos no Servizo Público de Emprego de Galicia e ter solicitado neste último caso os obradoiros duais de emprego, tendo como data límite ata o mércores día 25 de outubro de 2023. 

Para poder acudir á Oficina de Emprego de Ordes deberán pedir cita previa a través de calquera destes medios: