O Concello de Frades remata as obra "Camiño Tañoi a Cruz do Canedo (Abellá) e outros", cun investimento de máis de 75.000 euros

O Concello de Frades vén de rematar a obra “Camiño Tañoi a Cruz do Canedo (Abellá) e outros”. Unha actuación que recolle a mellora de tres camiños asfaltados no municipio: de Tañoi á Cruz do Canedo (Abellá), da DP-3802 a San Martiño (Frades) e da N-634 a Vilar de Céltigos (Céltigos).

O proxecto total de gastos imputados a esta obra é de 75.451,97 euros. O Concello de Frades recibu unha axuda aprobada pola Axencia Galega de Desenvolvemento Rural, por importe de 62.357,00 euros, ao abeiro do Plan de mellora de camiños rurais 2023-2024, cofinanciado co Fondo Europeo Agrícola de Desenvolvemento Rural (Feader) no marco do Plan estratéxico da PAC 2023-2027 en Galicia.