Aberto o prazo de matrícula no curso 2024-2025 da Escola de Inglés

O Concello de Frades abre a matrícula para o curso 2024-2025 da súa escola de inglés “Piccadilly english in motion”. As clases darán comezo o vindeiro 1 de outubro e terán lugar nas tardes dos martes e xoves no edificio multiúsos de Frades. O prezo é de 35 euros por mes e as inscricións poden realizarse presencialmente no Concello de Frades ou telematicamente a través da Sede Electrónica.

A escola de inglés de Frades contará con cinco grupos de idade diferentes: infantil (16:30 a 17:30 horas), 1º e 2º de Primaria (17:30 a 18:30 horas), 3º e 4º de Primaria (18:30 a 19:30 horas), 5º e 6º de Primaria (19:30 a 20:30 horas) e ESO (20:30 a 21:30 horas).