Proceso de selección do Obradoiro Dual de Emprego "Brañas do Illó-Río Samo VII"
ACTUALIZACIÓN 18-11-2024
O Concello de Frades publica as puntuacións provisionais das persoas candidatas aos postos de alumnado traballador do obradoiro de emprego "Brañas do Illó-Río Samo VII".
_______________________________________________________________________________________________________
ACTUALIZACIÓN 14-11-2024
O Concello de Frades publica as puntuacións das entrevistas a candidatos e candidatas ao posto de alumnado traballador do obradoiro dual de emprego "Brañas do Illó - Río Samo VII".
_______________________________________________________________________________________________________
21-10-2024
O Concello de Frades publica as bases reguladoras do procedemento de selección do obradoiro dual de emprego "Brañas do Illó Río Samo VII", subvencionado pola Consellería de Emprego, Comercio e Emigración, cofinanciado polo Ministerio de Traballo e Economía Social e promovido polo Concello de Ordes xunto cos concellos de Frades e Mesía.
As especialidades que se impartirán son:
- actividades auxiliares en conservación e mellora de montes. Nivel 1.
- actividades auxiliares en viveiros, xardíns e centros de xardinería. Nivel 1.
O número total de alumnado traballador será de 20, 5 deles do concello de Frades. O obradoiro terá unha duración de 9 meses.
Neste obradoiro están previstas actuacións de mellora nas áreas recreativas de A Ponte Carballa (Abellá), A Presa (Ledoira) e Os Pasos (Aiazo), así como no parque do Cabezo (Abellá), na praza pública de Ponte Carreira (Gafoi), na finca do local social de Ledoira, no punto limpo de Céltigos, no campo de fútbol de Vitre e na piscina municipal de Papucín.