Normas e Grupos do Campionato de Pádel 2025
O Concello de Frades xa ten todo listo para a celebración do Campionato de Pádel 2025, que terá lugar na pista da piscina municipal e reunirá a xogadores e afeccionados desta disciplina nunha xornada de deporte e convivencia.
Segundo as normas establecidas, o torneo contará con tres grupos de tres parellas, das que pasarán ás semifinais os primeiros clasificados de cada grupo e o mellor segundo. As semifinais decidiranse por sorteo e xogaranse a un set, mentres que a final será ao mellor de dous sets, agás acordo distinto entre os finalistas.
Os encontros da fase de grupos disputaranse ao mellor de cinco xogos (con tie break en caso de 4-4) e con “punto de ouro” en situación de 40/40. Cada dous xogos cambiarase de campo e, en caso de empate na clasificación, terase en conta o enfrontamento directo, a diferenza de xogos gañados e perdidos e, se fose preciso, un tie break de desempate. A organización lembra a importancia da puntualidade, xa que unha demora superior a dez minutos suporá a perda do partido.
Os propios xogadores serán os encargados da arbitraxe, mantendo en todo momento a deportividade e podendo intervir un árbitro pasivo en casos concretos como faltas de saque, rede ou dobres botes.
O campionato desenvolverase ao longo da tarde, con partidos programados desde as 15:00 horas e coas semifinais e final previstas a partir das 17:40 horas.
A cita promete emoción, bo ambiente e un alto nivel de xogo, consolidando o pádel como unha das actividades deportivas con máis tirón no municipio.
Grupos e participantes
• Grupo 1: o Juan Carlos – Álvaro Iralde o Esteban – Bruno o David Pérez – Pablo Díaz
• Grupo 2: o Alvela – Dani Quinteiro o Juan Castro – Borja Paz o Nicolau – Diego
• Grupo 3: o Pazos – Gonzalo García o Raúl Paz – Miguel Paz Mira o Francisco Carro – Ramón de la Fuente
Horarios da fase de grupos
• 15:00 h → Juan Carlos – Álvaro vs Esteban – Bruno
• 15:20 h → Alvela – Dani Quinteiro vs Juan – Borja
• 15:40 h → Pazos – Gonzalo vs Raúl – Miguel
• 16:00 h → Juan Carlos – Álvaro vs David Pérez – Pablo
• 16:20 h → Alvela – Dani Quinteiro vs Nicolau – Diego • 16:40 h → Pazos – Gonzalo vs Francisco Carro – Ramón
• 17:00 h → Esteban – Bruno vs David Pérez – Pablo • 17:15 h → Raúl Paz – Miguel Paz vs Francisco Carro – Ramón
• 17:20 h → Juan – Borja vs Nicolau – Diego
• As semifinais xogaranse ás 17:40 h e 18:10 h, e a final está prevista para as 18:40 h.
O sistema de competición establece que pasarán ás semifinais os tres primeiros de cada grupo e o mellor segundo, con partidos ao mellor de cinco xogos na fase inicial e “punto de ouro” en caso de 40/40. A organización lembra a importancia da puntualidade e a deportividade, xa que serán os propios xogadores quen arbitren os encontros.
No caso de que a choiva impida o torneo, este trasladarse ao campo de Pádel de Abellá.