Un total de 55 veciños e veciñas de Frades e de Oroso desfrutan dunha excursión de seis días pola Costa de Azahar
Un total de 55 veciños e veciñas de Frades e de Oroso participaron nunha viaxe de seis días pola Costa de Azahar, organizada por Excursiones Miranda en colaboración cos Concellos de Frades e de Oroso. Unha viaxe na que estiveron acompañados polo concelleiro de Maiores e Turismo, Jesús Francos Sánchez.
Do 6 ao 11 de outubro, a expedición desfrutou de visitas guiadas a localidades con encanto histórico como Peñíscola ou Morella, lugares de natureza en estado puro como La Rápita ou o Delta do Ebro, chegando mesmo a observar flamencos; e recunchos con alma mediterránea como Vinaroz, Tortosa ou Vilafames.
