Convocado o Programa Xuntos polo Nadal
O Concello de Frades informa de que a Consellería de Política Social e Igualdade, a través da Dirección Xeral de Maiores e Atención Sociosanitaria, vén de convocar o programa Xuntos polo Nadal. Esta iniciativa pretende que as persoas maiores que se atopen soas polo Nadal poidan desfrtar duns días de vacacións (entre o 23 de decembro de 2025 e o 7 de xaneiro de 2026) coa posibilidade de compartir estas festas nun clima de convivencia e participación. Pódese elixir entre 3 quendas:
- 23 de decembro - 7 de xaneiro
- 23-30 de decembro
- 31 de decembro - 7 de xaneiro
Os requisitos para participar son:
- ser maior de 60 anos
- residir en Galicia
- valerse por si mesmo e non padecer enfermidades infecto-contaxiosas e/ou trastornos mentais ou dondutuais que poidan alterar a convivencia
- vivir so no seu domicilio e pasar o Nadal so
- recoméndase estar vacinado/a fronte á Covid-19 e a gripe segundo o calendario sanitario vixente
Para presentar a solicitude pode acudirse ao Servizos Sociais do Concello de Frades antes do 26 de novembro coa seguinte documentación:
- DNI
- Tarxeta sanitaria
- informe médico actualizado se precisa dalgunha atención especial (alerxias, alimentación especial...)
Máis información nos Servizos Sociais Municipais: 981 695 567.