Xornada informativa en Ordes: axudas e instrumentos de apoio para as empresas

O Concello de Frades informa de que a Casa da Cultura de Ordes (rúa de Galicia, 25) acollerá o vindeiro martes 3 de marzo unha xornada informativa sobre axudas e instrumentos de apoio para as empresas. Unha xornada de asistencia gratuíta na que se darán a coñecer as axudas e apoios ás que poden acceder as empresas emprazadas na comarca de Ordes a través do Fondo de Transición Xusta.

O acto dará comezo ás 17:00 horas. A directora xeral do IGAPE, Covadonga Toca Carús, e o alcalde de Ordes, José Luís Martínez Sanjurjo, serán o encargados de dar a benvida ás persoas participantes.

Ás 17:30 horas terá lugar unha charla sobre as axudas e apoios dispoñibles para empresas da man de Norberto Penedo Rey, director da área de Competitividade do IGAPE; e Alberto Vivero Fernández, director da Área de Financiamento do IGAPE, quen tamén responderán ás preguntas e dúbidas das persoas asistentes.