Igrexa Parroquial e Cruceiro (Abellá)

Igrexa construída sobre o ano 1971, na honra a Santo Estevo, patrón da parroquia. Presenta unha planta rectangular cun anexo de uso parroquial, cunha soa nave, construída en formigón e recebada en cemento. Actualmente foi revestida a fachada en pedra. Pola súa recente construción, non posúe un especial interese arquitectónico, posto que non se corresponde con ningún modelo de igrexa. Destaca o seu interior con grandes vidreiras, o que lle dá unha maior claridade, que as antigas igrexas non posúen por falta de ventás, e tamén destaca a súa amplitude.